Design by Giske har utvikla logo, visuell identitet og eit gjennomtenkt etikett konsept for Lié Gard på Opedal i Hardanger. Dei kom til meg med ei visjon om eit tydeleg og enkelt design der produkta skulle skilja seg ut frå dei andre sider- og saft produsentane i området. Ut frå deira visjon og ein idé rundt eit stilisert eple som logosymbol så utvikla eg eit grunnleggande konsept med ein raud tråd, der det er rom for nye produkt langt fram i tid.

Etter ein sesong og ulike erfaringar, såg me at etikettane måtte justerast - både for eplesaft og sider. Dette var og basert på ulike krav ad. merking, og produkt med og utan alkohol. Etter ein felles brainstorming kom me opp med ein justert strategi som eg arbeidde vidare med i utviklinga av eit forbetra etikett konsept. Eplesafta behaldt mykje av det opprinnelege designet og fargebruk, medan etikettane til sider gjekk i ein ny retning - men med same storleik (noko som er kostnadseffektivt med tanke på trykk). Krav til etikettar for produkt med alkohol er kompliserte og det er mange hensyn å ta, men eg kom opp med ei design løysing der me fekk inn historia til garden, samstundes som etikettane har eit moderne og stilreint uttrykk som skil seg frå andre produsentar.

Når eg i 2025 skulle designa etikettar til det nye produktet issider, så vart resultatet ein forenkla versjon av etikettane til dei andre sidervariantane. Issideren er eit meir eksklusivt produkt som er tappa på mindre flasker med ein annan fasong. Etiketten fekk og eit sølvpreg på tekst og dekor for å skilja seg ut frå dei andre, og etiketten har same storleik som dei små eplesaft flaskene.